Anaphora of Clement II
Transcription of Manuscripts
Anaphora of Clement II - Dam 5/11 (SOP 143) - Version 1
Edited by Ephrem Aboud Ishac
Graz, 10. July 2021
- Publisher: syriac-anaphoras.org
- Licence: Available under the Creative Commons Attribution 4.0 International (CC BY 4.0)
- Date of publication: 2021-07-10
Manuscript:
- Settlement: Damascus
- Identifier: Dam 5/11 (SOP 143)
- Content: p. 83-101: Anaphora of Clement II
Title
(83)
(6) ܐܢܢܐܦܘܪܐ ܕܩܕܝܫܐ ܩܠܝܡܝܣ ܐܦܝܣܩܘܦܐ ܕܪܘܡܝ ܘܬܠܡܝܕܐ ܕܫ̈ܠܝܚܐ
(7) ܩܕܝܫܐ ܦܛܪܘܣ ܘܦܘܠܘܣ
Prayer Before Peace
ܩܕܡܝܐ ܨܠܘܬܐ ܕܩܕܡ ܫܠܡܐ
(8) ܐܠܗܐ ܗ̇ܘ ܕܐܝܬܝܟ ܝܲܡܐ ܠܐ ܡܬܡܲܠܠܢܐ ܕܛܒܘܬܐ. ܘܬܗܘܡܐ
(9) ܠܐ ܡܬܓܲܫܫܐ ܕܚܟܡܬܐ. ܗ̇ܘ ܡܫܕܪܢܐ ܕܫܲܝܢܐ ܠܡܩܒܠܢ̈ܐ
(10) ܕܫܠܡܐ ܘܡܣܬܬܢܐ ܕܝܠܗ ܒܢܦܫ̈ܬܐ ܚܣܝ̈ܬܐ. ܐܢܬ ܪܕܝܐ
(11) ܕܚܝ̈ܐ. ܬܪܘܥ ܠܢ ܡܢ ܩܒܝܐ ܕܚܘܒܟ. ܢܣܟ̈ܐ ܡܓܝܚܢ̈ܐ
(12) ܕܚܘܒܟ. ܘܬܦܦ ܐܪܘܐ ܠܢ ܡܢ ܫܦܥ̈ܐ ܕܡܘܗܒ̈ܬܟ ܐܠܗܝ̈ܬܐ:
(13) ܫܩܝܐ ܕܒܘܣ̈ܡܐ ܕܢܬܐܣܪ ܥܡܟ ܘܒܚ̈ܕܕܐ. ܒܚܕܐ ܫܝܫܠܬܐ
(14) ܕܢܛܘܪܘ̇ܬ ܦܘܩܕܢ̈ܝܟ ܡܥܠܝ̈ܐ ܘܓܡܝܪ̈ܐ. ܐܝܟܢܐ ܕܡܬܕܟܝܢܢ
(15) ܡܢ ܚܒ̇ܠܐ ܘܡܫܬܦܝܢܢ ܡܢ ܚܣܡܐ. ܢܫܲܠܡ ܚܕ ܠܚܕ
(16) ܒܢܘܫܩܬܐ ܠܐ ܕܠܝܚܬܐ. ܒܚܘܝܚܘܬܐ ܠܐ ܙܐܦܢܝܬܐ ܕܢܫܟܚ
(17) ܕܒܢܦܫܐ ܡܪܝܩܬ ܘܒܗܲܘܢܐ ܨܠܝܠܐ. ܕܠܪ̈ܐܙܐ ܗܠܝܢ
(84)
(1) ܡܐܚܝܢ̈ܐ ܢܫܬܘܬܦ. ܘܒܥ̈ܠܡܐ ܕܐܬܝܢ ܙܡܝܢ̈ܐ ܢܗܘܐ.
(2) ܠܥܐܕܐ ܗ̇ܘ ܣܒܝܣ ܒܚܕ̈ܘܬܐ ܘܥܬܝܪ ܒܫܘܟܢ̈ܐ.
(3) ܒܛܝܒܘܬܐ ܘܒܪ̈ܚܡܐ ܘܒܪܚܡܬ ܐܢܫܘܬܐ ܕܝܠܟ. ܘܕܝܚܝܕܝܐ
(4) ܒܪܐ ܕܝܠܟ ܘܕܪܘܚܐ ܕܝܠܟ ܩܕܝܫ ܒܟܠ. ܘܛܒܐ ܥܡܐ ܐܡܝܢ ܟܗܢܐ
(5) ܫܠܡܐ ܠܟܠܟܘܢ ܥܡܐ ܘܠܪܘܚܐ ܡܫܡܫܢܐ ܢܬܠ ܫܠܡܐ ܥܡܐ
(6) ܐܫܘܐ ܠܢ ܡܫܡܫܢܐ ܡܢ ܒܬܪ ܫܠܡܐ ܥܡܐ ܩܕܡܝܟ ܡܪܝܐ
Imposition of Hand
ܟܗܢܐ
(7) ܕܚܝܠܐ ܘܡܪܚܡܢܐ ܐܠܗܢ ܛܒܐ ܕܒܡܫܟܢܐ ܡܥܠܝܐ
(8) ܘܓܢܝܙܐ ܠܥܠ ܡܢ ܟܠ ܥܡܪ ܠܐ ܡܬܬܚܕܢܐܝܬ. ܘܟܠ ܪܘܡܐ
(9) ܪܡܐ ܬܚܝܬ ܟܘܒܫܐ ܕܪ̈ܓܠܘܗܝ ܡܲܟܝܟ ܘܡܲܫܘܝ. ܐܢܬ ܕܝܢ
(10) ܐܘ̄ ܪ̈ܚܡܢܫܐ. ܠܟܦܬܐ ܕܝܠܢ ܬܚܘܒܬܐ ܟܘܦܝ ܒܣܥܘܪܘܬܐ
(11) ܕܫܘܡܠܝܐ ܕܢܡܘܣ̈ܝܟ ܬܪ̈ܝܨܐ. ܕܢܗܘܐ ܒܢܝ̈ܐ ܚ̈ܬܝܬܐ
(12) ܕܣܒܪܬܟ. ܘܝܪ̈ܘܬܐ ܫܪ̈ܝܪܐ ܕܡܘܠ̈ܟܢܝܟ ܫܡܝܢ̈ܐ. ܕܒܩ̈ܠܐ
(13) ܕܬܫܒܚ̈ܬܐ ܢܚܓܟ ܥܡ ܛܘܒ̈ܬܢܐ ܒܡܠܟܘܬܟ ܕܠܥܠܡܝܢ
(14) ܡܩܲܘܝܐ. ܘܠܝܚܝܕܝܐ ܒܪܐ ܕܝܠܟ ܘܠܪܘܚܐ ܕܝܠܟ ܩܕܝܫ
(15) ܒܟܠ ܘܛܒܐ ܥܡܐ ܐܡܝܢ
Prayer Over the Veil
ܟܗܢܐ ܨܠܘܬܐ ܕܥܠ ܦܪܣܐ ܡܪܝܐ ܗ̇ܘ
(16) ܕܐܝܬܝܟ ܓܲܙܐ ܕܣܝ̈ܡܬܐ ܘܐܘܨܪܐ ܕܥܘܕܪ̈ܢܐ ܚܲܙܝܐ ܕܟܣܝ̈ܬܐ
(17) ܡܒܕܩܢܐ ܕܥܬܝ̈ܕܬܐ. ܗ̇ܘ ܕܫܲܕܪܬ ܠܢܘܗܪܐ ܡܬܘܡܝܐ
(18) ܕܡܢ ܥܘܒܟ. ܕܩܕܡ ܟܠ ܙܒܢ̈ܝܢ ܒܟ ܐܝܬܘܗܝ̱ ܐܘܣܝܐܝܬ
(85)
(1) ܒܚܲܝܠܐ ܘܒܫܘܒܚܐ ܘܒܡܠܟܘܬܐ ܕܠܐ ܣܘܦ ܡܟܬܪܐ. ܗ̇ܘ
(2) ܕܪܚܡܬ ܚܘܒܢܐܝܬ ܐܬܥܲܪܙܠ ܒܟܝ̇ܢܢ. ܘܐܝܟ ܒܪܢܫܐ
(3) ܩܕܡܝܟ ܐܬܩܲܪܒ. ܘܐܟ ܪܒ ܟܘܡܪ̈ܐ ܩܲܪܒ. ܘܐܟ ܐܠܗܐ
(4) ܩܲܒܠ ܠܪܝܫܝܬܐ ܕܩܢܘܡܗ. ܘܥܒ̣ܕ ܕܘܟܝܐ ܕܚܛܗ̈ܝܢ.
(5) ܐܢܬ ܕܟܸܐ ܘܢܩܸܕ ܡܢ ܟܠ. ܚܲܠܠ ܘܡܪܘܩ ܠܪ̈ܓܫܐ
(6) ܕܢܦܫ̈ܬܐ ܘܕܦܓܪ̈ܐ. ܕܝܠܟ ܗܫܐ ܡܬܚܲܢܢܝܢ ܒܫܥܬܐ ܗܕܐ
(7) ܕܠܘܬ ܟܘܗ̇ܢܐ ܗܢܐ ܐܬܝ̣ܬ. ܡܢ ܗܪ̈ܓܐ ܠܐ ܟܢܝܟ̈ܐ
(8) ܘܗܓܓܘܬܐ ܘܦܢܛܐܣ̈ܝܐܣ ܕܫ̈ܐܕܐ ܕܟܐ. ܐܝܟܢܐ
(9) ܕܙܗܝܐܝܬ ܢܩܘܡ ܩܕܡ ܦܬܘܪ ܚܝ̈ܐ ܠܐ ܡܛܘܫ̈ܐ
(10) ܕܐܬܥܲܬܕ ܠܦܘܪܩܢܢ. ܒܫܦܝܥܘܬ ܪ̈ܚܡܐ ܕܝܠܟ
(11) ܘܕܝܚܝܕܝܐ ܒܪܐ ܕܝܠܟ. ܗ̇ܘ ܕܒܐܝ̈ܕܘܗܝ ܘܥܡܗ ܠܟ
(12) ܦܐܐ ܫܘܒܚܐ ܘܐܝܩܪܐ ܘܐܘܚܕܢܐ ܥܡ ܪܘܚܐ ܕܝܠܟ ܩܕܝܫ ܒܟܠ.
(13) ܘܛܒܐ ܥܡܐ ܐܡܝܢ ܡܫܡܫܢܐ ܢܩܘܡ ܫܦܝܪ ܥܡܐ ܪ̈ܚܡܐ ܘܫܠܡܐ
(14) ܟܗܢܐ ܚܘܒܐ ܕܐܠܗܐ ܐܒܐ ܥܡܐ ܘܥܡ ܪܘܚܐ ܟܗܢܐ ܠܥܠ ܢܗܘܘܢ
(15) ܥܡܐ ܐܝܬܝܗܘܢ ܠܘܬ ܡܪܝܐ ܟܗܢܐ ܢܘܕܐ ܠܡܪܝܐ ܥܡܐ ܫܘܐ ܘܙܕܩ
(16) ܟܗܢܐ ܟܕ ܓܗܝܢ ܫܘܝܐ ܡܲܢ ܓܝܪ ܫܪܝܪܐܝܬ ܕܠܟ ܢܕܚܠ.
(17) ܠܟ ܢܘܪܒ ܘܠܟ ܢܢܝ̣ܚ ܒܪܘܝܐ ܘܝܨܘܦܐ ܘܡܬܪܣܝܢܐ
(18) ܘܢܛܘܪܐ ܕܚܝ̈ܐ ܕܟܠ
Prayer Before the Sanctus
ܘܬܠܐ ܩܠܗ ܐܝܬ ܗܘ ܠܟ ܡܪܝ ܒܫܡܝܐ.
(86)
(1) ܘܒܫܡ̈ܝ ܫܡܝ̈ܐ. ܡܫܒܚܢ̈ܐ ܕܠܐ ܡܬܡ̈ܢܝܢ. ܘܡܫܡܫܢ̈ܐ
(2) ܕܠܐ ܣܟ ܕܒܐܬܪ̈ܘܬܐ ܪ̈ܘܚܢܝܐ ܟܕܝܢܝܢ ܠܬܫܡܫܬܟ.
(3) ܩܢܘܡ̈ܐ ܥܒܝ̈ܕܐ ܕܡܢ ܢܘܪܐ ܫܓܝܪܬܐ. ܘܪܘܚܐ ܠܐ
(4) ܡܬܓܲܫܢܝܬܐ. ܕܒܙܡܝܪ̈ܬܐ ܕܟܠ ܩܝ̈ܢܢ ܩܘܠܣ̈ܝܟ
(5) ܠܥܙܝܢ. ܐܠܦ̈ܐ ܘܪ̈ܒܘܬܐ ܕܡܢ ܥܠܡ. ܕܦܐܪ̈ܐ ܕܬܘܕܝܬܐ
(6) ܠܐܝܩܪܟ ܡܩܲܪܒܝܢ. ܟܢܫ̈ܐ ܕܡܠܐܟ̈ܐ ܘܩܘܡ̈ܐ ܕܪ̈ܝܫܝ
(7) ܡܠܐܟ̈ܐ ܘܓܘ̈ܕܐ ܕܪ̈ܝܫܢܐ. ܕܠܟ ܚܕ ܐܠܗܐ ܫܘܒܚܐ
(8) ܚܕܬܐ ܘܠܐ ܡܬܦܲܣܩܢܐ ܡܣܲܩܝܢ. ܛܟܣ̈ܐ ܘܫܘܠܛܢ̈ܐ
(9) ܘܚ̈ܝܠܐ ܥܙܝܙ̈ܐ. ܘܥܘܫܢܐ ܕܡܪ̈ܘܬܐ ܕܒܩܝܢ̈ܬܐ ܨ̈ܠܝܠܬܐ
(10) ܡܗܕܪܝܢ. ܡܘܬܒ̈ܐ ܩܒܝܥ̈ܐ ܐܘܟܝܬ ܟܘܪ̈ܣܘܬܐ ܡܨܒ̈ܬܬܐ
(11) ܕܒܡܫܪܪܘܬܐ ܩܝܡܝܢ ܘܠܫܡܟ ܣܓܕܝܢ ܓܝܓ̈ܠܐ ܚܝ̈ܬܐ
(12) ܕܣܝܥ̈ܬܐ ܕܟܪ̈ܘܒܐ ܕܒܓܒܝ̈ܗܘܢ ܥܝܢ̈ܝܗܘܢ ܡܬܟܪ̈ܟܢ
(13) ܕܒܒܘܪ̈ܟܬܐ ܡܝܲܒܒܢ. ܦܠܓܐ ܪܒܝܨܬ ܒܓܦ̈ܐ ܕܣܪ̈ܦܐ
(14) ܚܡ̈ܝܡܝ ܡܘܙܓܐ. ܕܡܚܦܝܐ ܦܪܨܘܦܗ̇ ܕܠܐ ܡܲܡܪܚܐ
(15) ܕܠܘܥܕܐ ܕܐܝܬܘܬܟ ܬܚܘܪܝ. ܘܡܟܲܣܝܐ ܠܪ̈ܓܠܝܗ̇. ܕܐܦܠܐ
(16) ܡܥܩܒܐ ܠܡܕܒܪܢܘܬܐ ܐܚܪܝܬܐ. ܕܚܕ ܠܚܕ ܡܝܲܒܠܐ
(17) ܪܥܡܐ ܕܩܘܕܫ̈ܐ. ܒܦܘܡ̈ܐ ܠܐܝܩܘܕ̈ܐ ܕܓܘܙܠܬܐ. ܚܕܐ
(18) ܒܪܬ ܩܠܐ ܕܓܘܐ ܬܠܝܬܐܝܬ ܩ̇ܥܝܐ ܘܐܡܪܐ ܥܡܐ : ܩܕܝܫ ܩܕܝܫ
Prayer After the Sanctus
(87)
(1) ܟܗܢܐ ܟܕ ܓܗܝܢ ܩܕܝܫܐ ܐܝܬܝܟ ܘܩܕܝܫ ܒܟܠ ܘܝܚܝܕܝܐ ܒܪܟ
(2) ܘܪܘܚܟ ܩܕܝܫܐ ܬܠܝܬܝܘܬܐ ܣܓܝܕܬܐ ܘܠܐ ܡܣܬܕܩܢܝܬܐ. ܐܠܗܐ
(3) ܚܕ ܒܠܚܘܕܝܟ ܕܠܡܠܟܘܬܟ ܣܘܦ ܠܐ ܐܝܬ. ܘܠܥܠܡܝܢ ܠܐ
(4) ܡܫܬܚܠܦ ܐܢܬ. ܘܟܠܗܘܢ ܡܢ ܥܠܡ̈ܐ ܘܙܒܢ̈ܐ. ܐܝܟ ܝܘܡܐ
(5) ܕܐܬܡܠ ܡܲܥܒܪ ܐܢܬ. ܘܐܝܟ ܡܛܪܬܐ ܕܠܠܝܐ. ܘܥܡ ܙܒ̈ܢܐ ܠܐ ܥܒܪ
(6) ܐܢܬ. ܒܟ ܐܬܬܩܲܢܘ ܫܡܝܢ̈ܐ ܘܐܪ̈ܥܢܝܐ. ܘܡܢ ܬܪ̈ܝܗܘܢ ܐܩ̇ܝܡܬ
(7) ܠܒܪܢܫܐ. ܘܡܠܝܠܘܬܐ ܒܗ ܣܡܬ. ܘܬܚܘܡܐ ܥܒ̣ܕܬ
(8) ܠܗ ܕܠܐ ܢܥܒܪܝܘܗܝ ܘܫ̣ܛ ܢܡܘܣܟ ܘܨܒܝܢܗ ܫܲܡܠܝ.
(9) ܘܩܲܒܠ ܓܙܵܪ ܕܝܢܐ ܘܐܬܛܪܕ ܡܢ ܐܬܪܗ. ܐܢܬ ܕܝܢ ܥ̇ܒܘܕܗ
(10) ܠܐ ܣܟ ܐܬܟܠܝܬ ܡܢ ܥܘܕܪܢܗ. ܘܟܕ ܢܘܓܪܐ ܠܐܝܘ ܒܗ ܚܙܝ̈ܐ
(11) ܘܡܒ̈ܕܩܢܐ. ܘܠܐ ܐܫܟ̣ܚܘ ܠܡܫܪܐ ܚܲܘܒܬܗ ܠܚܪܬܐ
(12) ܠܒܪܟ ܡܬܘܡܝܐ ܫܲܕܪܬ. ܘܗܘܐ ܒܪܢܫܐ. ܘܡܕܒܪܢܘܬܐ
(13) ܕܦܘܪܩܢܢ ܥܒ̣ܕ
Institution Narrative
ܘܬܠܐ ܩܠܗ ܟܕ ܕܝܢ ܐܬܥܲܬܕ ܕܒܨܒܝܢܐ
(14) ܕܝܠܗ ܘܕܐܒܘܗܝ ܘܕܪܘܚܗ ܩܕܝܫܐ. ܕܠܚܲܫܐ ܘܡܲܘܬܐ
(15) ܕܚܠܦ ܥܠܡܐ ܟܠܗ ܢܩܲܒܠ. ܗ̰ܘ ܗ̇ܘ ܕܚܛܝܬܐ
(16) ܠܐ ܣܥ̣ܪ ܐܦܠܐ ܢܟ̣ܠܐ ܐܫܬܟܚ ܒܦܘܡܗ. ܒܪܡܫܐ
(17) ܗ̇ܘ ܕܫܘܡܠܝܐ ܕܪ̈ܐܙܐ. ܟܕ ܫܒ̣ܩ ܠܢ ܥܘܗܕܢܐ
(18) ܦܪܘܩܝܐ. ܗ̈ܢܝܢ ܗܠܝܢ ܕܩܕܡܝܢ ܣܝ̈ܡܢ. ܠܚܡܐ
(88)
(1) ܢܣ̣ܒ ܒܐܝܕ̈ܘܗܝ ܕܟܝ̈ܬܐ. ܘܠܟ ܐܠܗܐ ܐܒܐ
(2) ܐܡ̣ܪ ܕܫ̇ܠܡ ܐܢܐ ♰ ܘܒܪܟ ♰ ܘܩܕܫ♰ ܩܨܐ܆
(3) ܘܝܗ̣ܒ ܠܗܘܢ ܠܒܢ̈ܝ ܓܘܕܗ ܫܠܝܚ̈ܐ ܐܠܗܝ̈ܐ
(4) ܘܐܡ̣ܪ: ܣܒܘ ܐܬܬܪܣܘ ܡܢܗ. ܗܢܘ ܦܓܪܝ ܕܥܠ
(5) ܐܦܝ̈ܟܘܢ ܘܡܛܠ ܣܓܝ̈ܐܐ. ܡܬܩܨܐ܆ ܘܡܬܦܲܠܓ
(6) ܠܫܘܒܩܢ ܚܘܒ̈ܬܐ. ܘܠܚܝ̈ܐ ܕܠܥܠܡ ܥܠܡܝܢ ܥܡܐ
(7) ܐܡܝܢ ܟܗܢܐ ܒܬܪ ܕܝܢ ܚܫܡܝܬܐ ܪܐܙܢܝܬܐ. ܡܲܙܓ
(8) ܠܟܣܐ ܕܒܘܪܟܬܐ ܡܢ ܚܲܡܪܐ ܘܡܢ ܡܝ̈ܐ.
(9) ܘܗ̣ܝ ܟܕ ܗ̣ܝ ܠܟ ܫ̣ܠܡ ♰ ܘܒܲܪܟ♰ ܘܩܲܕܫ♰
(10) ܘܝܗ̣ܒ ܠܟܢܘܫܝܐ ܚܲܣܝܐ ܕܬܠܡܝܕ̈ܘܗܝ ܟܕ
(11) ܐܡ̇ܪ ܣܒܘ ܐܬܒܲܣܡܘ ܡܢܗ ܟܠܟܘܢ. ܗܢܘ
(12) ܕܡܝ ܕܡܫܪܪ ܠܩܢܘܡܐ ܕܡܘܬܐ ܕܝܠܝ. ܕܥܠ
(13) ܐܦܝ̈ܟܘܢ ܘܕܣ̈ܓܝܐܐ ܡܬܐܫܕ܆ ܘܡܬܪܣܣ
(14) ܒܢܦܫ̈ܬܐ. ܠܫܘܒܩܢܐ ܕܚܘܒ̈ܬܐ ܘܠܚܝ̈ܐ ܕܠܥܠܡ
(15) ܥܠܡܝܢ ܥܡܐ ܐܡܝܢ
Anamnesis Prayer
ܟܗܢܐ ܡܐ ܕܝܢ ܕܒܠܚܡܐ ܗܢܐ
(16) ܘܒܟܣܐ ܗܢܐ ܡܬܒܲܣܡܝܢ ܐܢܬܘܢ ܐܬܕܟܪܘ ܘܥܒܕܘ
(17) ܠܥܘܗܕܢܐ ܕܡܲܘܬܐ ܘܕܩܝܡܬܐ ܕܝܠܝ ܥܕܡܐ ܕܐܬܐ
(18) ܐܢܐ ܥܡܐ ܠܡܘܬܟ ܡܪܢ ܟܗܢܐ ܟܕ ܦܟܝܪ̈ܢ ܐܝܕܘ̈ܗܝ
(89)
(1) ܟܕ ܒܬܐܘܪܝܐ ܕܒܝܬ ܕܝܢܐ ܩܛܝܢܐ ܕܢܦܫܐ. ܠܟܪܘܟܝܐ
(2) ܟܠܗ ܕܡܕܒܪܢܘܬܐ ܕܝܠܟ ܗ̇ܝ ܚܟܝܡܬ ܒܟܠ
(3) ܕܒܒܣܪ ܡܩܕܡܝܢܢ ܡܛܦܣܝܢܢ. ܝܘܬܪܢܐ ܪܒܐ
(4) ܠܩܢܘܡܢ ܥ̇ܦܝܢܢ. ܕܡܢܗ̇ ܩܝܡܬܐ ܛܘܒܬܢܝܬܐ ܗܘܬ ܠܢ.
(5) ܘܫܘܠܛܢܐ ܩܕܡܝܐ ܘܡܠܐܟܝܐ. ܘܣܘܟܠܐ ܕܡܲܣܩܬܟ
(6) ܕܠܫܡܝܐ. ܘܒܡܬܒܟ ܫܲܘܝܐ ܕܥܡ ܐܒܐ ܓܢܝܙܐ. ܐܦ
(7) ܠܡܐܬܝܬܟ ܬܪܝܢܝܬܐ ܘܡܫܒܚܬܐ ܡܬܥܗܕܝܢܢ. ܕܒܗ̇
(8) ܥܬܝܕ ܐܢܬ ܕܬܕܘܢ ܠܬܐܒܝܠ ܒܙܕܝܩܘܬܐ ܘܠܥܡܡ̈ܐ
(9) ܒܬܪܝܨܘܬܐ. ܕܡܐ ܕܬܩܢܐ ܒܐܡܐ ܫܒܝܚܬܐ ܕܪܒܘܬܟ.
(10) ܘܬܐܘܛܪܘܢ ܕܡ̈ܠܐܟܐ ܘܕܒܢ̈ܝܢܫܐ ܡܬܟܢܫܐ ܠܩܕܡ ܟܘܪܣܝܐ
(11) ܕܡܪܘܬܟ. ܡܐ ܕܟܠܢܫ ܠܐܣܛܠܐ ܕܙܩ̣ܪ ܒܐܝ̈ܕܘܗܝ
(12) ܡܬܚܙܐ ܕܡܥܛܦ. ܘܚܕ ܚܕ ܐܝܟ ܕܛܒ ܐܓܪܗ ܒܡܐܐ
(13) ܐܥܦ̈ܐ ܡܩܒܠ ܦܘܪܥܢܐ. ܡܐ ܕܓܡܝܪ̈ܐ ܦ̇ܪܚܝܢ
(14) ܠܘܥܕܐ ܫܡܝܢܐ ܘܠܩ̣ܢܐ ܕܡܠܟܘܬܐ ܘܪ̈ܫܝܥܐ ܢ̇ܚܬܝܢ
(15) ܠܦܚܬܐ ܕܢܘܪܐ ܕܒܓܘܗ̇ ܠܥܠܡܝܢ ܠܗܘܢ ܐܚܕܐ. ܡܐ
(16) ܕܡܠܟܘܬܐ ܒܝܪ̈ܘܬܝܗ̇ ܪܘܙܐ. ܘܫܠܗܒܝܬܐ ܒܒ̈ܢܝܗ̇ ܡܬܦܲܬܝܐ
(17) ܘܡܬܪܘܚܐ. ܡܐ ܕܡܠܐܟ̈ܐ ܡܓܗܝܢ ܡܢ ܩܢܛܐ. ܘܡܪ̈ܘܕܐ
(18) ܠܬܗܘܡܐ ܕܫ̈ܢܕܐ ܡܫܬܕܪܝܢ. ܒܕܓܘܢ ܡܩܲܪܒܝܢܢ
(90)
(1) ܠܟ ܠܕܒܚܬܐ ܗܕܐ. ܟܕ ܪܥܘܡܐܝܬ ܡܬܟܫܦܝܢܢ ܠܟ.
(2) ܕܠܐ ܬܓܠ̣ܘܙ ܠܢ ܡܢ ܒܝܬܝܘܬܐ ܕܡܘ̈ܠܟܢܟ ܫܡ̈ܝܢܐ.
(3) ܘܢܗܘܐ ܢܘܟܪ̈ܝܐ ܠܫܘܒܚܟ ܡܬܘܡܝܐ. ܠܐ ܢܩܘܡ ܒܣܕܪܐ
(4) ܕܣܡܠܐ ܘܢܫ̣ܡܥ ܠܒܪܬ ܩܠܐ ܕܡܲܘܬܐ ܟܣܐ ܒܗ̇. ܠܐ
(5) ܬܣܘܚ ܫܝܘܠ ܠܩܘܒܠܢ. ܘܢܡܛܐ ܠܦܚܬܐ ܕܚܝܠܐ
(6) ܕܐܝܬ ܒܡܨܥܬܐ. ܠܐ ܢܫ̣ܠܡ ܨܒܝܢܗ ܕܗ̇ܘ ܕܐܛܥܝ ܒܢ ܘܢܗܘܐ
(7) ܡܢܬܗ̇. ܘܢܩܪܐ ܡܢ ܓܘ ܚܫܘܟܐ ܡܲܒܥܕܐ ܘܠܐ ܢܬܥܢܐ.
(8) ܐܠܐ ܦܩܘܕ ܡܪܝ ܒܪ̈ܚܡܝܟ ܘܡܢ ܗܢܐ ܠܝܡܝܢܐ ܢܥܒ̣ܪ.
(9) ܘܒܬܐܘܪܝܐ ܕܐܠܗܘܬܟ ܢܬܒܲܣܡ ܘܒܫܘ ܕܡܠܟܘܬܟ
(10) ܢܬܦܲܛܡ. ܘܥܠ ܐܦܝ̈ ܓܝܪ ܗܠܝܢ ܥܕܬܟ ܘܡܪܥܝܬܟ
(11) ܚܢܝܓܐܝܬ ܡܬܟܫܦܐ ܠܟ ܘܒܐܝܕ̈ܝܟ ܘܥܡܟ ܠܐܒܘܟ
(12) ܟܕ ܐܡܪܐ ܥܡܐ ܪܚܡ ܥܠܝܢ ܟܗܢܐ ܐܦ ܚܢܢ ܡܪܝ ܥܡܐ
(13) ܠܟ ܡܫܒܚܝܢܢ ܡܫܡܫܢܐ ܡܐ ܕܚܝܠܐ ܗܝ
Invocation of the Spirit
ܟܗܢܐ ܟܕ ܓܗܝܢ ܩܪܝܬܐ
(14) ܕܪܘܚܐ ܩܕܝܫܐ ܪܚܡ ܥܠܝܢ ܡܪܝܐ ܪܚܡ ܥܠܝܢ. ܒܗܢ
(15) ܥܠܡܐ ܘܒܗ̇ܘ ܕܥܬܝܕ ܪܚܡ ܥܠܝܢ. ܘܫܕܪ ܥܠܝܢ
(16) ܘܥܠ ܩܘܪ̈ܒܢܐ ܗܠܝܢ ܕܣܝܡܝܢ ܠܪܘܚܟ ܗ̇ܘ ܩܕܝܫܐ.
(17) ܘܫ̣ܘܸܐ ܠܟ ܒܐܘܣܝܐ ܘܠܒܪܟ ܝܚܝܕܝܐ ܘܩܕܝܫܐ ܗ̇ܘ ܕܡܢܟ
(18) ܡܬܘܡܝܐܝܬ ܐܬܝܠܕ. ܗ̇ܘ ܕܡܲܥܒܕ ܟܠ ܒܟܠ. ܐܝܟ
(91)
(1) ܐܠܗܐ ܛܒܐ ܘܪܚܡܢܫܐ ܘܬܠܐ ܩܠܗ ܥܢܝܢܝ ܡܪܝܐ ܥܡܐ
(2) ܩܘܪܝܠܠܝܣܘܢ ܟܗܢܐ ܘܢܚܲܘܐ ܡܲܢ ܠܠܚܡܐ ܗܢܐ ♱
(3) ♱ ܗ̃ܘ ܦܓܪܐ♱ ܕܝܠܗ ܕܡܪܝܐ ܐܠܗܐ ܘܦܪܘܩܐ
(4) ܕܝܠܢ ܝܫܘܥ ܡܫܝܚܐ ܥܡܐ ܐܡܝܢ ܟܗܢܐ ܘܠܟܣܐ
(5) ܗܢܐ♱ ܕܡܐ ♱♱ ܕܝܠܗ ܕܡܪܝܐ ܘܦܪܘܩܐ
(6) ܕܝܠܢ ܝܫܘܥ ܡܫܝܚܐ ܥܡܐ ܐܡܝܢ
Intercession Prayers (Diptychs)
ܟܗܢܐ ܠܢ ܕܝܢ ܡܪܝܐ
(7) ܗ̃ܢܘܢ ܕܡܢ ܚܕ ܦܓܪܐ ܘܟܣܐ ܥܬܝܕܝܢ ܠܡܣܒ
(8) ܐܫܘܐ ܠܫܘܬܦܘܬܐ ܘܡܠܚܲܡܘܬܐ ܕܚܕ ܪܘܚܐ
(9) ܐܠܗܝܐ ܘܫܡܝܢܐ. ܘܗܢܘܢ ܢܗܘܘܢ ܠܢ ܠܥܠܬܐ ܕܕܘܒܪܐ
(10) ܕܚܝ̈ܐ ܕܠܐ ܛܘܠܫܐ. ܡܙܡܢܢ̈ܐ ܕܙ̈ܘܕܐ ܡܲܐܚܝܢ̈ܐ.
(11) ܡܢܛܪ̈ܢܐ ܕܫܦܝܪܘܬ ܕܚܠܬܐ ܘܕܠܐ ܡܘܡܐ. ܠܪ̈ܚܡܐ
(12) ܫܦܝܥ̈ܐ ܕܚܢܢܐ. ܒܝܘܡܐ ܕܦܘܪܥܢܐ ܬܪܝܨܐ ܘܕܚܝܠܐ.
(13) ܥܗܢ̈ܐ ܠܘܬ ܡܦܩ ܒܪܘܚܐ ܕܬܡܢ ܘܡܩܒܠܢ̈ܐ
(14) ܒܒܘܣܡ̈ܐ ܕܛܒ̈ܬܐ ܕܠܐ ܡܬܚܒ̈ܠܢ. ܒܛܝܒܘܬܐ
(15) ܘܒܪ̈ܚܡܐ ܘܒܪܚܡܬ ܐܢܫܘܬܐ ܕܝܠܟ ܘܕܝܚܝܕܝܐ ܒܪܐ
(16) ܕܝܠܟ ܕܥܡܗ ܠܟ ܦܐܐ ܫܘܒܚܐ ܘܐܝܩܪܐ ܘܐܘܚܕܢܐ ܥܡ ܪܘܚܐ
(17) ܕܝܠܟ ܩܕܝܫ ܒܟܠ ܘܛܒܐ ܥܡܐ ܐܡܝܢ ܟܗܢܐ ܓܗܝܢ ܬܘܒ
(18) ܡܩܲܪܒܝܢܢ ܠܟ ܒܥܘܬܐ ܟܕ ܕܒܚܬܐ ܗܕܐ ܡܠܝܠܬܐ
(92)
(1) ܘܕܠܐ ܕܡܐ ܐܫܬܡܠܝܬ ܚܠܦ ܥܕܬܐ ܕܝܠܟ ܩܕܝܫܬܐ
(2) ܘܫܠܝܚܝܬܐ ܗ̇ܝ ܕܡܦܝܣܝܢܢ ܠܟ ܕܬܬܢܛܪܝ ܠܐ
(3) ܡܙܕܥܙܥܢܝܬܐ ܘܠܐ ܡܬܡܚܝܢܝܬܐ. ܡܢ ܟܠ ܒܙܬܐ
(4) ܘܡܐܟܝܢܘܬܐ ܫܐܕܢܝܬܐ. ܐܝܟܢܐ ܕܡܘ̈ܟܠܐ ܕܫܝܘܠ
(5) ܠܐ ܢܚܣܢܘܢܗ̇ ܘܚܠܦ ܐܦܝܣܩܘܦ̈ܐ ܐܪ̈ܬܘܕܘܟܣܘ ܕܒܟܠ
(6) ܕܘܟ. ܘܚܠܦ ܡܟܬܪܢܘܬܐ ܕܝܠܗܘܢ ܛܒܝܒܬܐ ܘܣ̈ܓܝܐܬ
(7) ܫ̈ܢܝܐ. ܘܚܠܦ ܩܫܝܫ̈ܐ ܘܡܫܡܫܢ̈ܐ. ܘܐܦܘܕܝ̈ܐܩܢܘ ܘܟܠ ܬܐܓܡܐ
(8) ܕܒܓܘܗ̇ ܡܫܲܡܫ. ܟܕ ܠܟܠܚܕ ܒܩܪܝܬܐ ܗ̇ܝ ܕܐܬܩܪܝ
(9) ܡܢܲܛܪ ܐܢܬ ܠܐ ܡܬܩܛܪܓܢܐܝܬ ܘܠܐ ܥܕܝܠܐܝܬ. ܐܬܕܟܪ
(10) ܡܪܝܐ ܘܠܡܣܟܢܘܬܐ ܕܝܠܝ. ܘܠܐ ܐܒܕ ܥܡܝ ܠܐ ܢܡܬܘܣܝܘ̈ܬܐ ܕܝܠܝ. ܚܲܘܐ ܒܝ ܛܝܒܘܬܟ
(11) ܕܟܢܝ ܒܪܘܚܟ. ܘܠܥܘܬܪܐ ܠܐ ܡܬܩܪܒܢܐ ܕܬܫܡܫܬܐ
(12) ܗܕܐ ܗܒ ܠܝ ܕܐܫܬܘܕܥ ܘܬܠܐ ܩܠܗ ܫܡܥ ܡܪܝܐ
(13) ܠܬܟܫ̈ܦܬܐ ܕܥܕܬܐ ܕܝܠܟ ܩܕܝܫܬܐ ܗ̇ܝ ܕܒܟܠܗ̇
(14) ܥܡܪܬܐ. ܘܣܝܡ ܬܚܘܡ̈ܝܗ̇ ܫܝܢܐ ܕܝܠܟ. ܘܟܗܝܢܘܬܐ
(15) ܒܣܚܪ̈ܬܗ̇. ܪܡܪܡ ܘܫܪܪ ܦܪ̈ܘܣܬܕܐ ܕܬܪ̈ܥܝܗ.
(16) ܕܠܐ ܢܚܣܢܘܢܗ̇ ܡܘܟ̈ܠܐ ܕܫܝܘܠ ܘܗܒ ܕܬܪܕܐ
(17) ܒܢܩܝܦܘܬܐ ܕܦܐܝܘܬܐ ܡܠܚܡܘܬܐ ܕܡ̈ܫܠܡܢܘܬܗ̇
(18) ܐܠܗܝ̈ܬܐ. ܠܟܠܗ ܕܝܢ ܡܘܠܝܐ ܕܬܪܒܝܬܐ ܕܝܠܗ
(93)
(1) ܒܚܲܣܝܘܬܐ ܘܩܕܝܫܘܬܐ ܨ̇ܒܬ ܐܝܟ ܝܨܘܦܐ ܕܐܡܢ̈ܐ.
(2) ܘܕܘ̈ܨܐ ܦ̈ܐܝܝ ܠܟܪ̈ܣܛܝܢܐ. ܡܛܠ ܕܐܠܗܐ ܕܛܒ̈ܬܐ
(3) ܐܝܬܝܟ. ܘܠܟ ܫܘܒܚܐ ܘܬܘܕܝܬܐ ܡܲܣܩܝܢܢ. ܘܠܝܚܝܕܝܐ ܒܪܐ
(4) ܕܝܠܟ ܘܠܪܘܚܐ ܕܝܠܟ ܩܕܝܫ ܒܟܠ. ܘܛܒܐ ܥܡܐ ܐܡܝܢ
(5) ܟܗܢܐ ܟܕ ܓܗܝܢ ܐܬܕܟܪ ܡܪܝܐ ܠܒܬܘ̈ܠܐ ܫܦ̈ܝܐ
(6) ܘܠܡܙܘܓ̈ܐ ܕܟܝ̈ܐ. ܠܝܬܡ̈ܐ ܘܠܐܪ̈ܡܠܬܐ. ܠܒܝܫ̈ܐ
(7) ܘܠܡܣܟܢ̈ܐ. ܘܠܐܝ̈ܠܝܢ ܕܚܦܝܛܝܢ ܠܬܫܡܫܬܐ
(8) ܕܩܕܝܫ̈ܐ. ܘܡܥܕܪܝܢ ܠܡܣܟ̈ܢܐ ܒܙܕܩ̈ܬܐ. ܘܩܲܒܠ
(9) ܠܩܘܪ̈ܒܢܐ ܕܝܠܗܘܢ ܕܒܐܝܕ̈ܝܐ ܕܝܠܝ ܚ̈ܛܝܬܐ ܡܬܩܲܪ̈ܒܝܢ
(10) ܘܬܠܐ ܩܠܗ ܥܢܝܢܝ ܡܪܝܐ ܒܪ̈ܚܡܐ ܘܠܗܢܘܢ ܕܒܫܘ̈ܟܢܐ
(11) ܥ̈ܕܬܢܝܐ ܡܫܬܘܬܦܝܢ. ܘܠܚܣܝܪܘܬܐ ܕܣ̈ܢܝܩܐ
(12) ܡܡܲܠܝܢ. ܘܠܝܘܩܪܐ ܕܡܚܝ̈ܠܐ ܡܐܩܠܝܢ. ܘܝܨܝܦܘܬ
(13) ܩܘܝ̇ܡܐ ܕܡܲܪܥܝܬܟ ܚܘܚܝܐܝܬ ܣ̇ܥܪܝܢ. ܐܦ ܓܝܪ
(14) ܐܓܘ̈ܢܐ ܥ̇ܒܕܝܢ. ܒܐܓ̈ܘܢܐ ܚ̈ܬܝܬܐ ܫܲܒܚ. ܟܕ ܡ̇ܠܐ
(15) ܐܢܬ ܠܢ ܘܠܗܘܢ ܛܒ̈ܬܐ ܕܒܐܘܘ̈ܢܐ ܕܠܥܠܡ ܕܩܲܕܡܬ
(16) ܐܣܢܬ. ܘܠܗ̇ܢܘܢ ܕܡܲܐܚܒܝܢ ܠܟ ܛܝܒܬ. ܡܛܠ
(17) ܕܥ̇ܕܘܪܐ ܘܡܣܝܥܢܐ ܕܝܠܢ ܐܝܬܝܟ. ܘܠܟ ܫܘܒܚܐ ܘܬܘܕܝܬܐ
(94)
(1) ܡܣܩܝܢܢ ܘܠܝܚܝܕܝܐ ܒܪܐ ܕܝܠܟ ܘܠܪܘܚܐ ܕܝܠܟ ܩܕܝܫ
(2) ܒܟܠ. ܘܛܒܐ ܟܗܢܐ ܓܗܝܢ ܐܬܕܟܪ ܡܪܝܐ ܠܡܠܟ̈ܐ
(3) ܐܪ̈ܬܘܕܘܟܣܘ. ܘܗܒ ܠܗܘܢ ܙܟܘܬܐ ܒܟܠܙܒܢ. ܠܘܩܒܠ
(4) ܥܡܡ̈ܐ ܒܪܒܪ̈ܝܐ ܐܚܘܕ ܙܝܢܐ ܘܣܟܪܐ ܘܩܘܡ ܠܥܘܕܪܢܗܘܢ.
(5) ܘܚܲܣܢ ܐܢܘܢ ܒܚܲܝܠܟ ܡܨܐ ܟܠ ܘܬܠܐ ܩܠܗ ܘܠܡܠܟܘܬܐ
(6) ܛܪܘܢܝܬܐ ܕܒܫܩ̈ܠܐ ܡܘ̈ܒܕܢܐ ܠܢ ܕܒܪܐ ܫܲܝܢ ܘܪܚܲܝ.
(7) ܐܩܗܐ ܠܚܪܒܐ ܩܫܝܬܐ ܘܡܪܝܪܬܐ ܕܚܲܢܦܘܬܐ ܡܢ
(8) ܨܘܪ̈ܐ ܕܣ̈ܓܘܕܝܟ. ܡܲܠܠ ܒܠܒܗ̇ ܡܫܝܢ̈ܬܐ ܡܛܠ
(9) ܥܕܬܗ ܕܝܚܕܝܐ ܒܪܐ ܕܝܠܟ. ܘܟܕ ܠܦ̈ܠܓܘܬܐ ܡܢ
(10) ܒܝܢܬ ܡܪܝ̣ܡ ܐܢܬ. ܘܠܡܪܚܘܬܐ ܡܩܲܦܚ ܐܢܬ.
(11) ܘܠܣ̈ܕܩܐ ܣܬܪ ܐܢܬ. ܘܠܓܘܪ̈ܓܐ ܢܕܝܕ̈ܐ ܕܡܠܬܟ̈ܢܐ
(12) ܫ̇ܪܐ ܐܢܬ. ܗܒ ܠܢ ܕܝܢ ܙܒ̈ܢܐ ܕܢܝ̇ܚܐ ܘܫ̈ܢܝܐ ܟܗܝܢ̈ܬܐ
(13) ܡܢ ܩܕܡ ܦܪܨܘܦܐ ܕܝܠܟ ܡܛܝܒܐ. ܡܛܠ ܕܥܕܘܪܐ
(14) ܘܡܣܲܝܥܢܐ ܕܝܠܢ ܐܝܬܝܟ. ܘܠܟ ܫܘܒܚܐ ܘܬܘܕܝܬܐ ܡܲܣܩܝܢܢ
(15) ܘܠܝܚܝܕܝܐ ܒܪܐ ܕܝܠܟ ܘܠܪܘܚܐ ܕܝܠܟ ܩܕܝܫ ܒܟܠ. ܘܛܒܐ
(16) ܥܡܐ ܐܡܝܢ ܟܗܢܐ ܟܕ ܓܗܝܢ ܐܬܕܟܪ ܡܪܝܐ ܠܗ̇ܢܘܢ ܕܒܟܠ
(17) ܐܬܪ ܘܡܕܝܢܐ ܫ̣ܦܪܘ ܠܟ. ܘܓ̣ܠܘ ܘܒܲܕܩܘ ܠܢܡܘܣ̈ܐ
(18) ܕܝܠܟ ܠܥܡܡ̈ܐ ܘܠܐܡܘ̈ܬܐ. ܘܐܛܒ̣ܘ ܠܫܡܟ ܒܟܠܗ̇
(95)
(1) ܥ̇ܡܪܬܐ. ܢܒ̈ܝܐ ܫܠܝܚ̈ܐ ܟܪ̈ܘܙܐ. ܡܣܒܪ̈ܢܐ. ܠܝܘܚܢܢ ܪܗ̇ܛܐ
(2) ܩܕܡܝܐ. ܠܐܣܛܐܦܐܢܘܣ ܪܝܫܐ ܕܡܫܡܫܢ̈ܐ. ܠܩܕܝܫܬܐ ܝܠܕܬ
(3) ܐܠܗܐ ܡܪܝܡ. ܥܡ ܟܠ ܕܐܬܓܡܪܘ ܘܐܫܬܡܠܝܘ.
(4) ܘܬܠܐ ܩܠܗ ܠܗܢܘܢ ܕܒܡܲܦܩܢܐ ܕܠܐ ܡܘܡ ܡܢ ܥܠܡܐ
(5) ܚܙܩܘ. ܚܙܝ̈ܐ ܕܪ̈ܐܙܐ ܘܡܒܕܩܢ̈ܐ ܕܓܢܝ̈ܙܬܐ. ܡܲܐܪ̈ܙܢܐ
(6) ܕܥܕܬܐ ܘܡܠܦܢ̈ܐ ܕܗܝܡܢܘܬܐ. ܗ̇ܢܘܢ ܕܐܬܪܓܪܓܘ
(7) ܕܢܚܙܘܢ ܠܝܘܡܐ ܕܝܠܟ ܘܚܙܘ ܘܚܕܝܘ. ܘܓܦ̣ܘ ܒܡܨܝܕܬܐ
(8) ܕܡܠܦܢܘܬܗܘܢ ܠܐܪܥܐ ܟܠܗ̇ ܠܝܕܥܬܐ ܕܫܪܪܐ. ܘܚܠܦ
(9) ܡܘܗܒ̈ܬܐ ܕܙܒܢܐ ܘܦܘܠܓ̈ܐ ܕܠܐ ܡܬܩܲܕܝܢ. ܥܬܪܘ
(10) ܒܦܘܢܩ̈ܐ ܡܩܘܝܢ̈ܐ ܘܚܕܘܬܐ ܕܠܐ ܓܵܙܐ. ܘܥܡ ܒܢ̈ܝ ܢܘܗܪܐ
(11) ܒܬܫܒܘܚܬܐ ܡܬܘܡܝܬܐ. ܒܟܠܗ̇ ܡܘܠܝܐ ܕܒܘܪ̈ܟܬܐ
(12) ܒܐܘܘܢ̈ܐ ܒܪ̈ܝܟܐ ܕܓܡܪ̈ܝ ܨܒܝܢܟ ܐܣܢܬ. ܕܒܨܠܘ̈ܬܗܘܢ
(13) ܒܥܠܡܐ ܗܢܐ ܠܢ ܣܲܝܥ. ܘܒܗ̇ܘ ܕܥܬܝܕ ܒܡܘܠܟܢ̈ܐ
(14) ܕܛܒ̈ܬܐ ܣܝ̣ܡ. ܒܪܚܡܬ ܐܢܫܘܬܐ ܕܝܠܟ ܘܕܐܒܘܟ ܡܒܲܪܟܐ
(15) ܘܕܪܘܚܟ ܩܕܝܫܐ ܘܡܥܒܕ ܚܝ̈ܐ. ܘܫܘܐ ܠܟ ܒܐܘܣܝܐ. ܗܫܐ.
(16) ܥܡܐ ܐܡܝܢ ܟܗܢܐ ܟܕ ܓܗܝܢ ܐܬܕܟܪ ܡܪܝܐ ܠܪ̈ܥܘܬܐ
(17) ܘܡܠܦܢ̈ܐ ܬܪ̈ܝܨܐ ܕܥܕܬܐ ܕܝܠܟ ܩܕܝܫܬܐ. ܠܐܝܓܢܐܛܝܘܣ.
(18) ܕܝܘܢܘܣܝܘܣ. ܝܘܠܝܘܣ. ܩܠܝܡܝܣ. ܘܫܪܟܐ ܕܡܠܦ̈ܢܐ
(96)
(1) ܒܚܝܪ̈ܐ ܘܬܠܐ ܩܠܗ ܠܥܘܗܕܢܐ ܕܢܝ̇ܚܐ ܐܝ̇ܬܐ
(2) ܡܪܝܐ. ܠܗܢܘܢ ܕܥܠ ܫܘܥܐ ܠܐ ܡܙܕܥܙܥܢܐ ܕܟܐܦܐ
(3) ܕܫܪܪܐ. ܫܲܬܐܣܘ ܠܗܝܡܢܘܬܐ ܐܪ̈ܬܘܕܘܟܣܝܵܝܵܬܐ ܘܦܲܬܝܘ
(4) ܘܐܘܪܟܘ ܠܒܢܝܢܐ ܕܥܕܬܟ. ܡܢ ܣܘ̈ܦܝܗ̇ ܠܣܘܦ̈ܝܗ̇
(5) ܕܥ̇ܡܪܬܐ. ܘܒܫܠܡܐ ܣܡ̣ܘ ܬܚܘܡܝ̈ܗ̇. ܘܒܫܝܢܐ
(6) ܫܲܟܠܠܘ ܒܢܝ̈ܢܗ̇. ܗ̇ܢܘܢ ܕܡܢ ܝܲܡܐ ܕܬܐܘܠܝܓܝܐ
(7) ܬܦܦܘ ܘܐܪܘܝܘ ܠܫܩܝܐ ܕܒܪܬ ܥܡܡ̈ܐ ܕܐܬܡܲܟܪܬ
(8) ܠܟ. ܘܒܕܡܐ ܕܨܘܪ̈ܝܗܘܢ ܕܟܲܝܘ ܠܚܲܩܠܟ ܕܚ̰ܪܒܬ
(9) ܒܙܝܙܢ̈ܐ ܕܚܛܝܬܐ. ܕܒܝܕ ܬܟܫܦ̈ܬܗܘܢ ܡܩܒܠ̈ܬܐ.
(10) ܠܟܘܒ̈ܐ ܕܐܪ̈ܣܝܣ ܘܠܥܩܪ̈ܐ ܕܡܘܥܝ̈ܬܗܘܢ ܡܢ
(11) ܒܝܢ̈ܬܢ ܬܠܘܫ ܕܒܢܲܘܚܐ ܕܡܢ ܩܘܛܥ̈ܐ ܐܪ̈ܥܢܝܐ. ܢܲܣܩ
(12) ܠܟ ܫܘܒܚܐ ܘܬܘܕܝܬܐ ܘܠܐܒܘܟ ܘܠܪܘܚܟ ܩܕܝܫܐ ܗܫܐ ܥܡܐ
(13) ܐܡܝܢ ܟܗܢܐ ܟܕ ܓܗܝܢ ܐܬܕܟܪ ܡܪܝܐ ܥܠ ܡܕܒܚܟ
(14) ܩܕܝܫܐ ܘܡܬܝܕܥܢܐ. ܠܢܦܫ̈ܬܐ ܘܪ̈ܘܚܬܐ ܕܟ̈ܐܢܐ ܘܙܕܝܩ̈ܐ
(15) ܕܐܬܓܡ̣ܪܘ. ܘܠܐܒܗ̈ܝܢ ܘܐܚ̈ܝܢ ܘܪ̈ܒܢܝܢ ܦܓܪ̈ܢܝܐ
(16) ܘܪ̈ܘܚܢܝܐ. ܕܩܲܕܡܘ ܥܒ̣ܪܘܗܝ ܠܥܠܡܐ ܗܢܐ ܬܥܝܫܐ
(17) ܘܙܒܢܝܐ ܘܬܠܐ ܩܠܗ ܠܟܠܗܘܢ ܐܝܠܝܢ ܕܒܐܣܛܐܕܝܘܢ
(18) ܕܚܝ̈ܐ ܕܙܒܢܐ ܪܗܛܘ. ܘܓܡܝܪ̈ܐ ܒܢܨܝܚ̈ܐ ܐܬܚ̣ܙܝܘ.
(97)
(1) ܘܡܢ ܝܲܡܐ ܕܚܘܒ̈ܐ ܐܓܗܝܘ. ܘܠܘܬܟ ܐܠܗܐ ܡܲܢܥܘ
(2) ܐܒܗ̈ܐ ܕܝܠܢ ܕܒܣܪܐ ܘܕܪܘܚܐ. ܐܫܘܐ ܠܡܬܕܟܪܘ.
(3) ܘܢܬܬܣ̈ܝܡܢ ܢܦܫ̈ܬܗܘܢ ܒܡܫܟܢ̈ܐ ܕܣ݂ܘܟܝܐ ܒܐܘܨܪ̈ܐ
(4) ܕܚܕܘ̈ܬܐ ܒܥܘܒܐ ܗ̇ܘ ܪܘܚܢܝܐ ܘܕܢܝ̇ܚܐ. ܐܝܟܐ ܕܪ̈ܘܚܬܐ
(5) ܕܟܐܢ̈ܐ ܠܪ̈ܝܫܝܬܐ ܕܚܝ̈ܐ ܡܩܒ̈ܠܢ. ܒܐܬܪܐ ܕܥܡ̈ܠܐ
(6) ܘܠܐܝ̈ܐ ܠܦܘܪ̈ܥܢܐ ܡܫܬܘܝܢ. ܚܕ ܕܝܢ ܒܠܚܘܕܘܗܝ
(7) ܠܐ ܡܬܬܚܕܢܐ ܠܚܫ̈ܐ ܕܚܛܝܬܐ. ܐܬܚܙܝ ܥܠ ܐܪܥܐ.
(8) ܡܪܝܐ ܕܝܢ ܘܐܠܗܐ ܕܝܠܢ ܘܦܪܘܩܢ ܝܫܘܥ ܡܫܝܚܐ
(9) ܕܒܐܝܕ̈ܘܗܝ ܐܦܚܢܢ ܣܲܒܪܢܢ ܪ̈ܚܡܐ ܠܡܫܟܚܘ
(10) ܫܘܒܩܢܐ ܕܚ̈ܛܗܐ ܕܡܛܠܬܗ ܐܦ ܠܢ ܘܠܗܘܢ ܥܡܐ
(11) ܐܢܝܚ ܐܪܦܐ ܟܗܢܐ ܟܕ ܦܫܝܛ ܐܥܒ̣ܪ ܘܥܛܝ ܐܠܗܐ
(12) ܠܚܛܗ̈ܐ ܕܝܠܢ. ܕܒܚܘ̈ܫܒܐ ܪ̈ܦܝܐ ܕܡܢ ܛܠܝܘܬܐ
(13) ܠܣܝܒܘܬܐ ܠܘܬܟ ܓ̈ܠܸܝܢ ܘܝܕܥܝܢ. ܨܒܝܢܝ̈ܐ ܟܝܬ
(14) ܘܠܐ ܨܒܝܢܝ̈ܐ ܗ̇ܢܘܢ ܕܚܘܝ̇ܒܗܘܢ ܒܥܠܡܐ ܕܠܐ ܣܟ
(15) ܡܛܝܒ. ܘܗܒܠܢ ܡܐ ܕܙܕܝܩ̈ܐ ܒܐܘܨܪ̈ܐ ܕܚ̈ܕܘܬܐ
(16) ܡܬܚܲܡܠܝܢ. ܘܐܝܟ ܬܒܢܐ ܒܢܘܪܐ ܪ̈ܫܝܥܐ ܝ̇ܩܕܝܢ.
(17) ܕܒܓܘܕ̈ܐ ܕܩܕܝܫܝ̈ܟ ܢܫܲܒܚܟ. ܘܥܡ ܡܠܐܟ̈ܐ ܢܐܡܪ
(18) ܒܩܘܠܣ̈ܐ. ܒܪܝܟ ܗܘ ܕܐܬܐ ܠܚܘܕܬܢ. ܐܝܟܢܐ ܕܒܝܕ
(98)
(1) ܗܕܐ ܘܐܟܡܐ ܕܒܟܠܡܕܡ ܢܫܬܒܚ ܘܢܬܩܲܠܣ ܫܡܐ
(2) ܕܝܠܟ ܡܒܪܟܐ ܥܡ ܕܡܪܢ ܝܫܘܥ ܡܫܝܚܐ ܘܪܘܚܐ ܩܕܝܫܐ.
(3) ܥܡܐ ܐܝܟܢܐ ܕܐܝܬܘܗܝ ܗܘܐ ܟܗܢܐ ܫܠܡܐ ܠܟܠܟܘܢ ܥܡܐ ܘܠܪܘܚܐ
(4) ܟܗܢܐ ܢܗܘܘܢ ܪ̈ܚܡܘܗܝ ܕܐܠܗܐ ܥܡܐ ܘܥܡ ܪܘܚܐ ܟܗܢܐ
(5) ܩ̇ܨܐ ܘܪܫܡ ܡܫܡܫܢܐ ܡܲܟܪܙ ܩܐܬܘܠܝܩܝ
Prayer Before the Our Father
ܟܗܢܐ ܨܠܘܬܐ ܕܐܒܘܢ
(6) ܕܒܫܡܝܐ ܐܠܗܐ ܗ̇ܘ ܕܒܪܘܚܗ ܩܕܝܫܐ ܒܢܒ̈ܝܐ ܡܲܠܠ.
(7) ܘܒܫܠܝܚ̈ܐ ܐܟ̣ܪܙ. ܘܡܲܠܦܢܘܬܐ ܣ̇ܦܩܝܬܐ ܕܡܚܟܡܐ
(8) ܠܬܪ̈ܥܝܬܢ ܒܐܝܕ̈ܝܗܘܢ ܐܲܠܦ ܘܡܲܘܗܒܬܐ ܗܕܐ
(9) ܐܓܥܠ ܕܠܪ̈ܝܫܐ ܡܬܝܕܥܢ̈ܐ ܕܢܦܫܐ ܡܕܟܝܐ. ܘܠܬܪ̈ܥܐ
(10) ܦܬܝ̈ܚܐ ܕܪܝܫ ܓܘܫܡܢ ܡܚܲܠܠܐ. ܡܦܝܣܝܢܢ
(11) ܠܪܚܡܬ ܚܘܒܟ ܛܒܝܒܐ ܕܬܦܬܚ ܠܐܕܢ̈ܐ ܕܠܒܐ
(12) ܕܝܠܢ. ܠܡܫ̣ܡܥ ܠܨܠܘܬܐ ܪܐܙܢܝܬܐ ܘܡܲܠܝܬ ܟܠ
(13) ܫܘܦܪ̈ܝܢ. ܗ̇ܝ ܕܡܪܢ ܘܐܠܗܢ ܝܚܝܕܝܐ ܒܪܐ ܕܝܠܟ.
(14) ܕܠܒܢܝ̈ ܪ̈ܐܙܐ ܘܒܝ̈ܬܝܐ ܕܝܠܟ ܐܫܠܡ̣ܬ. ܕܒܗ̇
(15) ܪ̈ܫܝܡܝܢ ܢܡܘܣ̈ܐ ܘܬܘܪ̈ܨܐ ܕܚܝ̈ܝܢ. ܕܥܡ ܦܐܪܪܣܝܐ
(16) ܕܠܒ̈ܢܝܐ ܦܲܐܝܐ. ܢܩܪܟ ܠܟ ܐܠܗܐ ܫܡܝܢܐ ܐܒܐ ܐܚܝܕ
(17) ܟܠ. ܘܢܨܠܐ ܘܢܐܡ̣ܪ ܐܒܘܢ ܕܒܫܡܝܐ ܥܡܐ ܐܡܝܢ ܢܬܩܕܫ
(18) ܫܡܟ
Prayer After the Our Father
ܟܗܢܐ ܐܝܢ ܐܒܐ ܕܛܝܒܘܬܐ. ܗ̇ܘ ܕܡܢܟ ܪܕܝܵܐ
(99)
(1) ܩܕܝܫܘܬܐ ܠܩܕܝܫ̈ܐ. ܬܐܬܐ ܡܠܟܘܬܟ ܗ̇ܝ ܕܚܣܢܐ
(2) ܠܟܠ ܡܠܟܘ̈ܢ ܠܫܘܘܙܒܢ. ܘܠܐ ܬܥܠ ܠܢ ܠܢܣܝܘܢܐ
(3) ܘܠܟܘܪܐ ܕܐܘܠܨܢ̈ܐ ܐܠܐ ܦܲܨܐ ܠܢ ܡܢ ܩܛܝܪ̈ܐ ܕܪ̈ܘܚܐ
(4) ܒܝܫ̈ܬܐ ܘܡܢ ܥܘܫܢܗ ܕܐܟܠܩܪܨܐ. ܡܛܠ ܕܕܝܠܟ ܗܘ
(5) ܐܘܚܕܢܐ ܘܫܘܠܛܢܐ ܘܡܲܠܟܘܬܐ. ܘܕܝܚܝܕܝܐ ܒܪܐ ܕܝܠܟ
(6) ܘܕܪܘܚܐ ܕܝܠܟ ܩܕܝܫ ܒܟܠ. ܘܛܒܐ ܥܡܐ ܐܡܝܢ ܟܗܢܐ
(7) ܫܠܡܐ ܠܟܠܟܘܢ ܥܡܐ ܘܠܪܘܚܐ ܡܫܡܫܢܐ ܩܕܡ ܡܪܝܐ ܪ̈ܝܫܝܢ
(8) ܥܡܐ ܩܕܡܝܟ ܡܪܝܐ
Imposition of Hand Prayer
ܟܗܢܐ ܠܟ ܒܠܚܘܕܝܟ ܟ̇ܐܦ ܟܠ
(9) ܨܘܪܐ ܕܟܠ ܕܢܫܡܬܐ ܕܪܘܚܐ ܕܚܝ̈ܐ ܐܝܬ ܒܗ. ܘܕܫܡܟ
(10) ܩܕܝܫܐ ܥܠܘܗܝ ܩܪܐ. ܘܡܢܟ ܫ̇ܐܠ ܫܘܒܩܢܐ ܕܟܠܗܘܢ
(11) ܚ̈ܛܗܐ ܡܬܥܒܪ̈ܢܘܬܐ ܕܒܡܲܗܡܝܢܘܬܐ ܐܣܬܥ̣ܪܘ.
(12) ܐܢܬ ܕܝܢ ܒܬܩܝܦܘܬ ܥܘܫܢܟ ܕܝܠܟ. ܠܚܝ ܘܐܥܒ̣ܪ
(13) ܠܟܠܗܝܢ ܠܐ ܢܡܘܣܝܘ̈ܬܐ ܕܝܠܢ. ܘܚܲܘܐ ܠܢ ܪܚܡܬ
(14) ܐܢܫܘܬܐ ܕܝܠܟ. ܕܒܙܗܝܘܬܐ ܘܕܟܝܘܬܐ ܠܒܐ ܠܩܘܕ̈ܫܝܟ
(15) ܢܫܬܘܬܦ ܘܡܫܟܢܢ̈ܐ ܢܗܘܘܢ ܠܢ ܠܒܘܣܡܐ ܕܠܥܠܡ
(16) ܡܩܘܐ. ܒܛܝܒܘܬܐ ܘܒܪ̈ܚܡܐ ܘܒܪܚܡܬ ܐܢܫܘܬܐ
(17) ܕܝܚܝܕܝܐ ܒܪܐ ܕܝܠܟ. ܕܥܡܗ ܠܟ ܦܐܐ ܫܘܒܚܐ ܘܐܝܩܪܐ
(18) ܘܐܘܚܕܢܐ ܥܡ ܪܘܚܐ ܕܝܠܟ ܩܕܝܫ ܒܟܠ ܘܛܒܐ ܥܡܐ ܐܡܝܢ
(100)
(1) ܟܗܢܐ ܫܠܡܐ ܠܟܠܟܘܢ ܥܡܐ ܘܠܪܘܚܐ
Third Benediction
ܟܗܢܐ ܬܗܘܐ
(2) ܛܝܒܘܬܐ ܕܬܠܝܬܝܘܬܐ ܥܡܐ ܘܥܡ ܪܘܚܐ ܡܫܡܫܢܐ ܒܕܚܠܬܐ
(3) ܢܚܘܪ ܟܗܢܐ ܩܘ̈ܕܫܐ ܠܩܕܝܫ̈ܐ ܥܡܐ ܚܕ ܐܒܐ ܩܕܝܫܐ ܟܗܢܐ
(4) ܚܕ ܐܒܐ ܩܕܝܫܐ ܥܡܢ ܡܫܡܫܢܐ ܢܩܘܡ ܫܦܝܪ ܘܠܢ ܥܡܐ ܡܘܕܝܢܢ ܠܟ
Prayer of Thanksgiving
(5) ܟܗܢܐ ܗܫܐ ܡܪܝ ܕܙܡܝܢ̈ܐ ܕܡܲܠܟܘܬܟ ܡܢ ܟܕܘ
(6) ܠܢ ܥܒ̣ܕܬ. ܒܝܕ ܢܣܝܒܘܬܐ ܕܪ̈ܐܙܝܟ ܕܟܝ̈ܐ ܘܡܲܥܒܕ̈ܝ
(7) ܚܝ̈ܐ. ܕܒܗܘܢ ܐܫܘܝܬ ܠܢ ܕܢܗܘܐ ܡܢܬܐ ܕܦܓܪܟ ܩܕܝܫܐ.
(8) ܘܒܢܝ̈ ܝܪܬܘܬܐ ܕܩ̈ܕܝܫܟ. ܡܦܝܣܝܢܢ ܠܟ ܚܲܢܢܐ. ܕܠܐ
(9) ܬܬܒ̣ܥ ܠܢ ܙܗܝܪܘܬܐ ܚܬܝܬܬܐ ܕܢܛܘܪܘܬܗܘܢ ܕܠܐ
(10) ܢܬܚܲܝܒ ܥܡ ܠܐ ܝܲܕܘܥ̈ܝܟ. ܘܒܬܫܢܝܩܐ ܕܒܣܪܐ ܢܬܕܘܐ.
(11) ܐܠܐ ܒܛܝܒܘܬܟ ܥܡ ܒܢܝ̈ܐ ܕܓܢܘܢܟ ܡܚܲܕܝܢܐ ܐܢܝܚ.
(12) ܘܥܡ ܐܡܪ̈ܐ ܫܦܝ̈ܐ ܕܦܪܕܝܣܐ ܐܣܡܟ. ܕܒܝܢܬܗܘܢ
(13) ܢ̇ܣܩ ܠܟ ܫܘܒܚܐ ܘܬܘܕܝܬܐ ܘܠܝܚܝܕܝܐ ܒܪܐ ܕܝܠܟ ܘܠܪܘܚܐ
(14) ܕܝܠܟ ܩܕܝܫ ܒܟܠ. ܘܛܒܐ ܥܡܐ ܐܡܝܢ ܟܗܢܐ ܫܠܡܐ
(15) ܠܟܠܟܘܢ ܥܡܐ ܘܠܪܘܚܐ ܡܫܡܫܢܐ ܡܢ ܒܬܪ ܢܣܝܒܘܬܐ ܥܡܐ
(16) ܩܕܡܝܟ ܡܪܝܐ
Inclination Prayer
ܟܗܢܐ ܡܲܢܘ ܡܲܘܦܐ ܕܢܦܪܘܥ ܬܘܕܝ̈ܬܐ
(17) ܕܡܬܬܚ̈ܝܒܢ ܠܩܘܒܠܛܝܒܘܬܐ ܕܝܠܟ ܐܘ̄ ܚܲܢܢܐ. ܐܘ̇ ܐܝܠܝܢ
(18) ܒܢ̈ܬ ܩ̈ܠܐ ܕܒܫܦܝܪܘܬ ܡܠܬܐ ܡܬܬܙܝ̈ܥܢ. ܕܣܦ̈ܩܢ
(101)
(1) ܠܡܠܚܡܘܬ ܬܫܒܘܚܬܐ ܕܦܐܝܐ. ܕܠܢ ܗ̇ܢܘܢ ܕܐܦܠܐ ܠܗ̇
(2) ܠܐܪܥܐ ܫ̇ܘܝܢ. ܩ̈ܠܝܕܐ ܕܒܝܬ ܓܙܟ ܐܓܥ̣ܠܬ ܘܥܠ ܡܲܠܟܘܬܟ
(3) ܐܫܠ̣ܛܬ. ܐܫ̣ܘܐ ܠܢ ܕܒܟܠܗ ܟܪܘܟܝܐ ܕܚܝ̈ܝܢ ܒܕܟܝܘܬܐ
(4) ܩܕܡܝܟ ܢܬܚܙܐ. ܘܡܢ ܣܪ̈ܝܩܬܐ ܥܠܡܢ̈ܝܬܐ. ܘܬܪ̈ܥܝܬܐ
(5) ܐܪ̈ܥܢܝܬܐ ܘܙܘܥ̈ܐ ܚܫ̈ܢܝܐ ܘܚܘܫܒ̈ܐ ܡܪ̈ܦܝܢܐ
(6) ܠܪ̈ܓܫܝܢ ܟܣܝ̈ܐ ܘܓܠܝ̈ܐ ܐܪܚܩ. ܘܒܬܩܝܦܘܬ
(7) ܥܘܫܢܟ ܐܛܠ ܥܠܝܢ ܒܝܡܝܢܟ ܗ̇ܝ ܥ̇ܦܩܬ ܠܟܠ.
(8) ܘܒܲܪܟ ܠܣܓܘܕ̈ܝܟ ܦܪ̈ܝܩܝ ܒܫܡܟ ܝܩܝܪܐ. ܘܥܒܕ
(9) ܠܢ ܗܝܟ̈ܠܐ ܠܕܘܝܪܟ. ܘܒܝܬ ܡܲܫܪܝܐ ܠܥܡܘܪܝܐ
(10) ܕܐܝܩܪܟ. ܘܒܥܠܡܐ ܗ̇ܘ ܚܕܬܐ ܘܥܠܡܝܢܝܐ ܒܡܠܟܘܬܟ
(11) ܢܬܒܲܣܡ. ܘܒܟ ܢܫܬܘܬܦ ܘܢܲܣܩ ܠܟ ܫܘܒܚܐ ܘܬܘܕܝܬܐ
(12) ܠܟ ܡܪܝ ܘܒܐܝ̈ܕܝܟ ܘܥܡܟ ܠܐܒܐ ܠܐ ܡܛܘܫܐ ܝ̇ܠܘܕܟ
(13) ܘܠܪܘܚܐ ܕܝܠܟ ܩܕܝܫܐ ܗܫܐ ܥܡܐ ܐܡܝܢ ܡܫܡܫܢܐ ܒܪܟܡܪܝ
(14) ܟܗܢܐ ܒܲܪܟ ܠܟܠܢ ܘܫܪܟܐ ܫܠܡܬ ܐܢܢܦܘܪܐ ܕܩܕܝܫܐ ܩܠܝܡܝܣ
(15) ܨܠܘܬܗ ܥܡܢ